黃金宅男操好而來

猪拉多纳

　　第三場三班1650米，雖然出馬只得九駒，但路程專家甚多，形勢相當緊湊。計準備，應以「黃金宅男」最為積極，自二月尾泥地一哩得第二後，一直維持正常操練，到埋門工夫開始加壓，兩試大閘且走勢出色，狀態肯定有爭勝水準。今仗休出即對準強項谷草一哩，抽埋一檔好位起步，值得睇高一線。

　　「真慷慨」季內唯一上名於同程，六歲馬現階段應以此場地發揮最好，出王牌用貝湯美而臨擺明車馬，跑出水準必是前列分子。「智高星」近仗有起色，續配韋達跑首本路，檔佳可爭三甲。

　　另外，尾場三班1200米，「新力飛」今季專攻同程，雖然只兩度上名未有贏馬，但連場接近表現不差，改配近期手風順之布文，大摩心急交代實砌。「威威寶貝」季內大熟，已於同程取得三冠兩亞，就算落第一仗亦第四，準得交關，加上與薛寶力最合拍，排一檔起步可坐位望贏。

　　「醉喜」上場突如其來後上得第四，狀態明顯跑起，今場快馬多應會有利其後上，絕對有權殺入一席。向東