喜相逢有利條件多

猪拉多纳

　　頭場五班1800米，「喜相逢」上季至今只曾於同程上名，並已累積兩冠兩亞一季，可見八歲馬現階段獨擅此程，亦由於今戰屬季內最後一次谷草賽事，要再贏機會無多，幕後必然好好把握。此駒今仗續配好拍檔潘頓，又排得二檔好位起步，大大提高競爭能力，縱使贏唔到，但作為QT馬膽依然好穩陣。

　　「百威將領」在港出賽三季只得一次第三，但正正該仗上名便是在谷草1800米取得，而且更是四班賽事，足證現居五班及僅負119磅角逐同程，點計都有數，用上貝湯美求一席應該不難。

　　「樂在其中」今季自購新馬已落到五班上陣，雖然從未有接近表現，但曾兩度出試谷草1700米閘，且走勢一次比一次好，試準場地性能隨時有突破性演出，要兼顧這匹冷門。

　　第二場四班1200米，「金珀龍華」上場轉戰谷草即於同程打開勝門，今次韋達停賽改配莫雷拉必更受注視，不過該仗贏馬姿態未覺輕鬆，再加上由4檔變12檔以及多負7磅，對三歲馬而言一定構成多少壓力，頂多拖一票。

　　相反，「善喜」上仗跑同程抽排11檔，竟一放而回及彈甩對手取勝，愈跑愈進步有力再下一城。冷門可吼「好友星威」，此駒獨沽一味擅跑谷草1200米，最後機會必拼無疑，復課有彈草閘安排見積極，不能輕視。