筍盤益你:（斑尼）好德煌鋼意有惡鬥

不死鸟

  只要有韋達在陣，通常好難有人會喺騎師王熱過佢，但呢次騎足八場嘅柏寶初盤只得兩倍，開得咁辣即係話晒畀你聽，佢好大機會唔止贏一場，值得從中揀選捧場。

         一眾柏寶坐騎中，贏面最大係第四場嘅「好德煌」，近兩仗跑谷草千二米及田草千四米得冠亞各一，證明呢匹四歲馬正式踏入大熟大勇期，今晚回師勝途，續配柏寶兼抽一檔，可謂已集齊贏馬條件，呢匹大熱門應相當穩陣。最強對手係配上韋達嘅「鋼意」，對上六戰全入前四名，就知表現幾咁穩定，上仗同程如果唔係採用跟前戰略，未必會輸兩個幾馬位畀「亞洲橙王」跑第四﹔今次只要韋達稍為留住鬥後勁，力足威脅「好德煌」。

        隨住唔少聯賽收爐，都係時候要開始留意啲北歐波，今晚瑞超特利堡主場對佐加頓斯個盤有啲怪，值得同大家傾吓。特利堡今季主場特醒，至今四戰得三勝一和，不敗率達百分百﹔相反，客隊季內作客四次全輸，最曳係入兩球失十四球，如果就咁睇數據，當然要秤先主隊，但奇怪主客和主勝初盤居然有1.83倍，諗落似乎又好分過頭。

         另一點值得留意，就係呢場入球大細嘅初盤亦有啟示，事關特利堡近六次主場迎戰佐加頓斯，當中有五次開入球大，但今仗細嘅初盤只得1.62倍，明顯莊家睇好呢場冇乜波入，一於信佢博入球細。