方嘉柏沙田一樣掂

猪拉多纳

今屆世界盃，巴西佔有主場之利，順理成章成為大熱門。其實，賽馬同樣有主場作客，眾所周知，快活谷乃方嘉柏主場，但今季提早煞科，對練者爭冠或有影響。不過，睇番柏廐6月沙田成績，與蔡神仙同獲4W排頭位，作客當主場打，一樣唔輸蝕。
       
方嘉柏作客唔輸蝕，要同蔡約翰拗手瓜。

方嘉柏向來把谷草視作主場，今季成績一枝獨秀，季尾更締造十一連勝，不過，今季快活谷提早煞科，餘下賽事全跑沙田，對於小方爭取第三次封王或成障礙。不過，貴為兩屆冠軍的方嘉柏，當然不會坐以待斃，其實早有籌謀。
       
「自然旺家」（右）上仗谷草飛到馬到，實力非四班可留。

踏入6月三次作客沙田，柏廐次次有馬贏，累積4W與蔡約翰睇齊，同居首位。周日田戰，柏廐出馬七匹，其中「自然旺家」及「勝利星將」剛勝谷草，今次作客依然是爭勝主角。
       

方嘉柏說︰「『自然旺家』體質較弱，上年尾更曾不良於行，花了不少心機才養回。季中經過五個月休息，復出兩戰愈跑愈好，上仗更在谷草打開勝門，今次重返沙田兼增程跑1400米亦合發揮，勝後狀態更上層樓，有力再下一城。」
       
勝利星將不怕強敵

同樣是贏完谷草作客沙田的「勝利星將」，方嘉柏亦有不俗評價，他說：「此駒來投時健康正常，可是轉倉首仗表現未如理想，故此安排小休兩個月，復出轉跑谷草即取得勝仗。今仗回師田草1600米，同程一再上名交出走勢，場地適應不成問題，而且狀態仍勇，雖有多匹強手在陣，但依然不可輕視。」