3位叻叻 Girl頭炮齊齊響

猪拉多纳

巴西順利贏波，《森巴Running Girl》3位參賽者齊齊貼中，成功攞頭彩認真犀利。今晚4場比賽，3位參賽者就算1人估1場都會剩抵一場，點算好？「M Club」姊妹團同Super Girls諗到個辦法。Heidi估英格蘭對意大利和波，Anjaylia就支持日本，希望佢哋砌科特迪瓦，Cheronna就揀烏拉圭贏到哥斯達黎加，至於剩番嗰場，就由Super Girls啦啦隊提供，佢哋貼哥倫比亞贏到希臘，如果貼中，3位參賽者一齊加分。

Heidi李靜儀：英格蘭同意大利兩隊我都鍾意，任何一隊輸波都唔想，和氣收場就最好。

Anjaylia陳嘉寶：日本終於出場，第一場對科特迪瓦，祝佢哋順利贏波，日本型男奸爸嗲！

Aka啦啦隊：哥倫比亞贏硬希臘。

Cheronna吳嘉熙：今屆身邊好多朋友都捧烏拉圭，話要支持『哨牙蘇』喎，希望贏啦。