卡通飛飛夾莫雷拉

猪拉多纳

　　尾場三班泥地1800米，今季總場次633同班同程的亞季殿軍馬，順序「優勝」、「精彩生輝」及「卡通飛飛」又再同場較量，今仗睇好後駒可反先。「卡通飛飛」跑過泥地兩次雖然都不上名，但均見接近，其中上場同程得第四（即上述之總場次633），僅以四分三身位負於頭馬，可見場地性能一定唔差。最重要還是今仗回配人馬合作三次全入Q的莫雷拉，大大加強競爭力，而埋門試泥閘走勢亦出色，工夫做到足，可望打開在港勝門。

　　冷門可吼「財運」，季內唯一上名便是在夜賽泥地1800米，沿途快放下入Q，相反三次泥地日賽悉數落第而回，今仗排五檔起步有助放頭跑法，要爭一席不難。

　　另外，第七場三班泥地1200米，「三和福將」加上面箍後跑同程威力仲勁，不勝有Q，當中上仗更是大勝而回；今仗抽排內檔而主要對手多排外檔，形勢相對有利，有力再贏。

　　「醒目精伶」兩度於泥地1200米入位，場地性能也不差，回配合拍之貝湯美一定會有較佳發揮，作為QT腳最合適不過。

　　向東