確叻星四班斤両十足

不死鸟

大家打開排位，有無發現明日賽事其中一場出馬全部有王牌附身？所講的是第六場四班1400米，最大鑊眾矢之的「金添好運」於排位後退出，變成群龍無首，補出一匹初出新馬「暖在心頭」，對大局應無威脅；這匹3歲新西蘭馬，由馬主鄭是鳳親自培育，母系DON INSIGHT亦即前本港退役馬「當然」，外祖母亦產下「沖天勁」及「喜逢知己」，全部同吳定強息息相關，贏過馬就只得「沖天勁」響三、四班3捷，其中兩場為泥地，再睇「暖在心頭」父系乃純美國種，有理由相信泥地性能勝過草地，惟以目前水準，在四班跑任何場地都只屬陪隊角色。
同是由馬主親自培育，霍?「確叻星」實力縱比不上同母兄長「騏綵」，本身在四班1400米已累積3贏2位，上回三班唔夠跑情有可原，落番四班又可討價還價。