撐「袋鼠兵」下盤冇死

猪拉多纳

「狂牛」等放假讓唔起

呢場B組嘅謝幕戰本來唔值得沾手，因為澳洲、西班牙兩隊都出咗局，同場友誼賽冇乜分別，但係睇番兩隊一直以嚟表現出嘅鬥心，就點都係博「袋鼠兵團」個2.05倍下盤抵啲嘞。
西班牙W不斷升水澳洲鬥志鮮明

創造咗衞冕冠軍最快出局紀錄嘅西班牙，點解會踢到一劈嘢咁，依家仲眾說紛紜，不過佢哋嗰種「Tiki Taka」打法，除咗講求控球同傳球，最關鍵係球員之間走位配合，偏偏今次佢哋班人絕大部分都企喺度踢，根本冇法子發揮呢種波嘅優點，原因係班「鬥牛兵」喺聯賽搏殘咗？又抑或好似沙比阿朗素咁講，大家士無鬥志呢？睇情況似係後者居多。

正因為咁，西班牙呢場波嘅客勝，一直不斷升水，單計足智彩都已經由早排1.12倍升至尋日嘅1.28倍。表面睇，「鬥牛兵」仲係值得被睇高一線，問題係少咗卡希爾嘅澳洲，向來鬥志鮮明，遇強愈強，齋博鬥心呢一瓣，等緊放假嘅西班牙已經肯定讓唔起對手一球/球半，一於博「袋鼠兵團」下盤。