筍盤益你:（斑尼）威騰質高有力奪標

不死鸟

 估唔到一直喺練馬師榜遙遙領先嘅大摩，依家僅帶離次席嘅蔡廐八場，後者雖然來勢洶洶，但斑尼唔信大摩會坐以待斃﹔另外，大摩今季咁鍾意捧盃，唔怪得第七場沙田銀瓶、第八場亞視盃加埋出四隻，其中「威騰」單騎出戰亞視盃，一於研究佢嘅爭勝機會。

        北半球馬通常較慢熱，如果一匹英國自購馬首季上陣五次得一冠一亞一季兩殿，除適應能力強之餘，亦唔排除有大量評分喺手﹔「威騰」上季交出咁嘅佳績後，今季自然多人注意，而佢亦冇令捧場客失望，季內八戰錄得三冠一亞。可能大家覺得佢現評105分，對手增強兼初次跑千六米，排九檔又唔算理想，似乎已集齊不利條件於一身，但喺英國嗰陣佢曾喺好至軟地跑第三，前仗亦喺好至黏地贏谷草千二米，今日場地唔慌正常，小心呢匹馬趁地淋出擊。

        磐田山葉近四仗作客只得一和三負，其中仲有三場冇波入，但喺主場就特別精神，季內六戰錄得三勝一和，咁計近排唔識輸嘅名古屋鯨魚，作客鬥磐田山葉未必可以輕鬆贏波。

        連埋亞冠盃在內，名古屋鯨魚近九場取得五勝四和，而且只得一場冇波入，但呢次作客排名低好多嘅磐田山葉，讓球盤居然開平手，兼且名古屋鯨魚仲要係高水嗰隊，斑尼就唔信咁着數，一於博讓球主勝，反正磐田山葉近六次喺主場對鯨魚得三勝一和。