當旺得勢不饒人

不死鸟

第一場五班1800米。「京城天寶」至今取得冠亞各一全在谷草場地，贏馬一仗係1800米，得亞軍係2200米，顯見牠擅跑谷草兼是匹大長途材，而此匹係慢熱馬，贏馬一役係上年季尾，而剛戰得第二亦接近季尾，可見牠要勤跑下才能提升狀態。上仗末段追勁凌厲拚入第二，足證狀態回勇，復課所見態況勝上回，今戰易配潘頓重遊勝途，態勇路合力足贏馬而回。「一代宗師」論馬居五班有利，態況仍處勇境，強配柏寶壓陣，前駒有失可代之而起。
第二場四班1000米。「當旺」剛戰同程不留而放重開勝門，人馬表現出色，4歲仔經過練者方嘉柏重新調校下，又多瓣贏馬本錢，按上場贏來有前有後，顯見馬匹勇銳非常，復課雖以踱步為主，但馬匹踱來神生力足，有火有力，勇銳逼人更勝上回，今戰再跑回勝途，練者方嘉柏為求穩陣，不用湯智傑而強配柏寶操刀，決心求連捷昭然若揭。「勝在分秒」熱身後勇熟有進，同系馬「超力駒」擅跑谷草，今次轉戰谷草，質新未露份子，隨時有突破不奇。
第三場三班1000米。「孫子奇兵」一連三捷贏來有餘未盡，顯見其潛質豐厚，而練者亦部署得宜，將其每月一次上陣，令到牠有足夠體力去爭功，上仗勝後亦係小休一個月才安排今次上陣，而馬匹在邊?邊操下其狀態亦?住勇境，今次再跑回3戰3勝強項谷草1000米，沿用人馬合拍潘頓操刀，進軍四連霸無難度。「去馬」亦係此程好手，剛戰與駒串Ｑ水準高，態況不俗馬，再此與前駒串Ｑ機會大。
第四場四班2200。「吉祥三寶」近四戰非冠即位表現優異，可見此駒適應水準後即示威力，剛戰走位進退失據得第三，輸牌仔楊明綸經驗淺，否則縱使不勝亦應得第二，班利份子現仍處升軌，今次強配韋達操刀，力足收復前失。「喜寶寶」近3戰得1冠2亞表現出色，方興未艾，乘勢出擊仍足爭入前列一位。