四班弱組真係馬召

不死鸟

有過「最佳福星」一次失敗經歷，做得今季練馬師團體馬，「龍得風雲」來港前經過精挑細選才對，事實上兩匹馬響英國都屬胡森家族所擁有，雖則話「龍得風雲」紙上賽績所獲的3冠1季全在膠沙地建立，但同類情況「應變計劃」今季3勝草地，成績有目共睹，何況「龍得風雲」目前才三歲，未可過早武斷跑草地唔及泥地，當然在彼邦勝出或上名都有戴眼罩，今次初出配件未用住，建議暫時抱觀望態度。
四班新馬「真係駋」，父系JUSTICE PREVAILS配種費僅3,000紐元，比起O'REILLY一次收6萬相差20倍，血統雖不高貴，但同系「首飾寶寶」及「超力好」能力都唔曳，一匹響三班跑6場贏3場，一匹浮沉三、四班也累積3捷；「真係駋」上年兩歲響新西蘭試過兩次800米閘，結果取得1冠1亞，雖然仄番同試馬唔算叻，但已證明打好底，季尾谷草四班賽水準參差，馬房計過數已夠用，初出捧得過。