利昂彈起大戰阿美利加

猪拉多纳

美洲隊伍喺世盃大放光芒，墨西哥及智利國家隊嘅演出更令各位球迷留下深刻印象。世盃已經結束，但呢股美洲狂熱依然Non Stop，新一季墨西哥超級聯賽今日早上正式開鑼，首輪賽事即上演重頭戲，利昂主場對CF阿美利加，利昂有世界首富斯利姆撐腰，財大氣粗，建立強大班底，堪稱「中北美曼城」。CF阿美利加季前重金收購射手奧利比柏拉達，擺明要同利昂鍊過，兩大豪強硬撼，Mic少捧入球大。

（周日早上9時06分開賽）

利昂歷史唔算標青，由1944年成立至2012年僅攞過五次聯賽冠軍，但斯利姆年半前入主成為主要股東後，球隊大事增兵，除保留荷西華斯基斯、艾拔圖彭拿同墨西哥隊長馬基斯三大主力外，更簽入09年自由盃神射手保斯利。呢位阿根廷國腳唔止好波，仲好腳頭，上年協助韋根爆冷捧足總盃，加盟利昂後亦連奪兩季聯賽冠軍，首仗主場出擊必全力爭勝，打響頭炮。
奧利比柏拉達身價不菲

眼見利昂以本傷人，CF阿美利加身為墨西哥聯賽史上奪冠次數最多嘅球隊之一，要重奪盟主之位亦唔慳得，季前以破墨超紀錄嘅1,000萬美元，收購拿根亞射手奧利比柏拉達。呢位墨西哥國腳於今屆世界盃射破喀麥隆大門，勢必成為利昂心腹大患。兩軍都有射得之人，捧大盤啱數。