明尼路搶盃再爆拉魯斯

猪拉多纳

南美超級盃決賽次回合明早開打，首回合領先一球嘅巴西球隊明尼路，返主場迎戰阿根廷球隊拉魯斯。揸住一球在手嘅明尼路，上仗首回合作客無論攻守都遠勝拉魯斯，今仗回師主場出戰相信可以擊敗作客欠穩嘅拉魯斯，阿謙一於捧明尼路主場贏波捧盃。

（周四早上9時開賽）
細哨迪亞高泰達利抖夠搏殺

明尼路喺南超盃首回合作客拉魯斯，憑前鋒迪亞高泰達利一箭定江山，小勝對手取得領先優勢。明尼路對呢個南超盃似乎志在必得，球隊剛戰聯賽主場對巴希亞，更將部分主力如朗拿甸奴及迪亞高泰達利收起，擺明係要留力踢呢場南超盃次回合賽事，加上球隊近四仗主場取得兩勝兩和佳績，今仗有主場之利贏波機會甚高。

拉魯斯上仗主場落敗，顯示球隊喺失去後衞伊斯基杜斯及高列斯後，防線出現不穩情況。拉魯斯上季作客只係取得兩勝兩和六負嘅戰績，表現其實麻麻，今仗作客明尼路為求收復失地，勢必主動搶攻，但以球隊依家嘅防守能力，搶攻隨時得不償失，阿謙睇好明尼路今仗可贏波封王，捧主隊。