飛燕諾被拆骨今非昔「比」

猪拉多纳

飛燕諾上季勇奪荷甲亞軍，今季重返歐聯賽場。點知主帥走人之餘，又有主力流失，聽到都知大件事。佢哋今晚喺歐聯第3圈外圍賽首回合主場鬥比錫達斯，仲敢讓平半，寧捧2.13倍下盤。

（開賽時間：周四凌晨2:00）
首席射手跟朗奴高文走人

前飛燕諾教練朗奴高文今季改教修咸頓，隊波搵咗成年冇得撈嘅魯頓領軍，已經令人有戒心。上季首席射手加斯安奴柏利跟隨恩師轉戰英超，大大減弱球隊火力。睇埋後防仲大劑，兩閘真馬特、馬田斯恩迪走人不特止，就連中堅迪維積亦盛傳即將會過檔拉素，今晚未必落場。前線啞火，防線畀人拆晒骨，叫人點信得過先？
比錫達斯簽入丹巴巴亞

土超對手比錫達斯今季冇咩主力流失，季初階段默契肯定比較優勝，加上又簽入車路士前鋒丹巴巴亞，擺明想喺歐聯有番作為。呢位射手賽前仲話自己狀態唔差兼自薦落場搏殺，睇得出球隊勁有鬥心，今仗至少都可以不敗而回。