馬拉加當弗唔怕韋斯咸

猪拉多纳

西甲球隊馬拉加同英超球隊韋斯咸喺德國蓋爾森基興「拍跳」，馬拉加近期熱身賽表現唔錯，加上剛簽得墨西哥世盃門神奧祖亞，對球隊有積極影響。相反韋斯咸近期雖頻頻增兵，但卻傳出主帥艾拿戴斯與管理層意見不合，大有機會被炒，球隊軍心不穩今仗未必能交出好成續，阿謙捧馬拉加贏波。

（now 676周日晚9時30分直播）

馬拉加早前去咗澳洲踢熱身賽，球隊面對阿德萊德聯及珀斯光輝取得1勝1和嘅成績，其中前鋒桑美占美利斯喺5比1擊敗阿德萊德聯一仗梅開二度表現最出色，相信有望繼續交出好成績。馬拉加剛宣布簽得墨西哥門神奧祖亞，呢位門將喺世盃表現出色，雖然今仗未必會上陣，但肯定對球隊士氣有所提升。
傳艾拿戴斯同高層吵大鑊

韋斯咸今夏雖頻頻增兵，但球隊喺熱身賽表現認真麻麻，踢咗4場只係錄得2和2負嘅成績，可見球隊默契仍然唔係太好，相信要更多時間進行磨合。咁啱「錘仔幫」近來傳出壞消息，主帥艾拿戴斯同管理層出現問題，盛傳隨時被炒，球隊軍心自然不穩；再加上小將拉夫摩利臣近日惹上官非，球隊喺內憂外患下今仗難望取得勝利，阿謙捧馬拉加贏波。