雙辣輪到開胡

不死鸟

第一場四班1000米（草地）。賀賢馬房的「雙辣」至今出爭田草1000米5次，只得一次唔上名，顯見牠擅跑此程，雖然至今未勝出，但馬匹現居四班肯定唔蝕底，上場蔡明紹無論走位及留放跑到一絕，但最後一步被超級的「納帕二號」擒下屈居第二，可謂輸點運氣，拚後仍見加強打磨，勇況有增無減，今次再跑首本直路賽1000米，對手已無「納帕二號」此類惡馬在陣，沿用蔡明紹操刀，可期輪到坐正贏馬破悶局。「好小子」型格上乘，與?侶「玉峽生輝」及「勇士」同一貨源，質素有保證，操足而臨，質態俱備佳駟，有權一網打盡。
第二場四班1200米（草地）。「心中有勁」近兩戰得冠亞各1表現出色，3歲仔有能力一早交出佳績，除早熟之外，顯見其實力不弱，而經過3場實戰後，勇況有增無減，復課拍跳走來勁度十足，顯見狀態大勇，今次再跑勝途，轉配有7磅可減的梁家俊操刀，班利勇馬力足贏馬添進帳。「御將軍」剛戰贏來可圈可點，質新馬開竅後可扶搖直上，乘勝追擊有力再下一城。
第三場三班1200米（草地）。「相見歡」季內4戰田草1000米非冠即位表現搶鏡，而此駒近兩戰陣中所見落腳轉慢，顯見新鮮感過後，現跑1000米短途已不合牠發揮，論實力居三班屬過客，經過連場實戰下態況有增無減，今次增程跑1200米，對此匹短途後上馬有用武之地，沿用人馬合拍的黎海榮操刀，力足贏馬取得季內第2Ｗ。「藍老虎」態況不俗，居此班仍具份量，肯施殺�艨蔂幥傲小�
第四場五班1800（泥地）。「銀鷹」上仗贏1650米泥地，一放到底有餘未盡，顯見呢匹4歲馬現處升軌，更仲要一點係搵到贏馬新出路，勝後加6分沿留五班作戰惡氣仍在，復課勇況依然，今次安排增程多跑200米，對此匹步大均速馬一樣合發揮，改用梁家俊減輕7磅上陣有利進取，乘勇再來力足梅開二度。「野蠻」亦是匹正宗泥地專材，老馬有火必拚，冷敲佳選。