摩度維亞中央陸軍做大騷

猪拉多纳

俄超今日同聽日都有早場直播，大家真係可以留意吓，唔使再隔山買牛嘞！今日電視有得睇嘅係班霸莫斯科中央陸軍作客摩度維亞，摩度維亞為上屆俄甲冠軍，升班後招兵買馬，首戰展現不俗攻力，兩軍都上晒力，宜玩大。

（now671周六下午5時30分直播）

摩度維亞獲前俄羅斯國家隊領隊接手，用佢嘅人氣吸納到唔少人才，首戰對烏拉爾贏3比2，其中兩個入波就係新加盟球員射入，班波係佢調教下已經上力，球季初段搶多啲分，對保住俄超席位非常有幫助。

不過，佢哋次仗要面對班霸莫斯科中央陸軍，中央陸軍基本陣容變化唔大，有評論指佢哋今季好大機會可以3連冠，事實上中央陸軍三線實力平均，前面有上季神射手杜姆比亞，佢於首戰大勝莫斯科魚雷四個一皮之戰亦有士哥，今仗有力繼續數胡，捧大。