里奧艾維復仇好時機

猪拉多纳

三冠王星散今菲昔比

葡萄牙超級盃今晚喺中立場上演，上季聯賽冠軍賓菲加對兩項盃賽亞軍里奧艾維。賓菲加上季做咗三冠王後畀歐洲列強拆骨，多位主將紛紛離隊，上季雖然兩項盃賽碰頭都贏波，但今場讓唔起對手，Mic少力撐讓球客勝。

（周一凌晨3時45分開賽）
賓菲加要錢唔要人削實力

數吓賓菲加離隊球員，真係令fans心寒，包括次席射手洛迪高摩連奴、前鋒奧斯卡卡度素、天才新星拿沙馬高域，上季有6球進帳嘅防線大將加雷亦轉投辛尼特。會方今夏從出售球員獲得8,170萬歐元收入，但今夏僅用400萬歐元增兵，無錯係賺到盆滿缽滿，不過就令球隊實力大打折扣，近期熱身賽頻頻大敗，包括1比5輸畀阿仙奴，唔可以用上屆歐霸盃亞軍嘅水準嚟衡量呢隊賓菲加。

里奧艾維由於有份出戰歐霸盃，所以早早開操，並順利打入附加賽，球員狀態及士氣比賓菲加更好。里奧艾維上季兩次打入盃賽決賽都輸畀賓菲加，今次仲唔趁對手星散報仇。