韋斯咸大力拔刺

猪拉多纳

英超第一周比賽即上演「倫敦打吡」，韋斯咸主場惡鬥熱刺，雙方都想打響頭炮砌低對手，1.88倍入球大唔好錯過。（now621台周六晚10:00直播）

韋斯咸雖然有中鋒安祖卡路爾打柴，好在球隊補入喺巴西世盃有好表現嘅厄瓜多爾射手安拿華倫西亞，加上前拉素箭頭莫路沙拉迪同法乙射手迪亞法沙高，主帥艾拿戴斯亦講明今季目標要爭取更多士哥。咁口響，今晚主場對住同市對手仲點會縮！
熱刺主攻有睇頭

熱刺新帥普捷天奴一向鍾情進攻足球，今季執教人腳更強嘅熱刺梗係要騷哥利。睇番佢哋坐擁蘇爾達杜、基斯甸艾歷臣等球星，經一季適應後發揮應更理想，入球騷可期！