施古臣有料捧史雲斯

猪拉多纳

要講英超開季邊隊至搶鏡，就不得不提史雲斯。呢隻「天鵝」响英超開鑼戰作客砌低由尹戈爾領軍嘅曼聯，今晚回師主場迎戰實力麻麻嘅般尼，淨係個勢都嚇窒對手，就算讓半一都唔怕，直取1.78倍上盤。

（now622台周六晚10:00直播）

史雲斯打贏曼聯咁醒，全賴今季來投、第2度効力嘅中場基菲爾施古臣。呢位中場兩年前以借將身份喺「天鵝」打出名堂，之後轉投熱刺，今季回巢極速融入球隊，上場仲交出1入球1助攻，配合奇誠庸同舒維爾喺中場輪流發炮叫般尼點頂？

般尼上仗主場鬥車路士雖然先開紀錄，點知20分鐘唔夠連失3球反勝為敗，嚴重打擊士氣，今晚仲要作客睇怕都幾難搶到分。