里爾分心歐聯咪亂撐

猪拉多纳

千辛萬苦爭到歐聯入場券，梗係要殺入分組賽賺番筆先走喇，其他嘢統統放埋一邊先。講緊嘅咪係里爾囉，佢哋今晚主場對羅連安特，不過成隊波個心已經飛咗去下場歐聯生死戰，咁嘅情況2.1倍「讓客」至抵玩。
前線死火難贏羅連安特

里爾上場喺歐聯附加賽首回合主場輸畀波圖0:1，如果唔想咁早畢業，下個禮拜作客一定要贏番對手，依家仲邊有心情理呢場法甲吖。而且里爾兩場聯賽夾埋只係入得1球咁大把，嗰球仲要係12碼嚟，鋒力認真唔多掂。

羅連安特今季作客贏過摩納哥，證明自己有力打硬仗，前鋒阿布巴卡搞緊轉會未必落場，但仲有經驗豐富嘅射手佐敦阿休壓陣，有力同對手一拚。