叻家縮程啱發揮

不死鸟

偶然間同朋友傾起話返大陸玩係因「吃、喝、玩、樂」比香港平！點知說話仲未講完，其中一位朋友好大反應：唔好咁大聲話平呀，曾經試過四個人去「深南中路」間「紅乜大廈」附近一間西餐食晚飯，每人一份餐埋單要千幾銀，即係平均每人要260元，仲話平咩，當時真係肉都「赤」晒！唉，去到咁豪華餐廳食飯梗係要啦，唔好忘記，嗰間係深圳列入十大西餐廳之一，相比之下同一環境響香港千零銀想落樓相信都幾難。人有時真係幾麻煩，好似呢個老友咁，係唔係好惡招呼呢？
「國中之星」自從轉飯鑊之後，陣上表現一仗比一仗好，馬房大佬話隻馬近期狀態�d升，今次跑谷中1650米好有信心步入凱旋門。「叻家」近期所見成熟有進，狀態比上次谷草1800米入Ｑ時更勝一籌，今次縮程跑1650米，馬房大佬透露更合此駒發揮，叫放心重插獨贏喎。