宇佐美貴史騷Quali撐飛腳

猪拉多纳

大阪飛腳今日喺日職主場鬥新潟天鵝，主勝熱到1.53倍都要捧。日本國家隊新教頭艾古爾近日公布新大軍名單，傷愈後踢到曉飛嘅飛腳射手宇佐美貴史竟然冇份，雖然佢把口話冇事，但實際上個心肯定唔多高興，隨時當天鵝係沙包咁發洩。
搵天鵝做出氣袋

曾經踢過拜仁慕尼黑嘅宇佐美貴史，世盃休戰期後上陣9場勁入7球，可以話係近排日職最佳球員，點知日本新教頭艾古爾竟然唔騷佢，試問宇佐美貴史有咩辦法唔嬲。另一方面，新潟放走射手川又堅碁後，真係唔知靠邊個入波，作客好易被打爆。