愛華頓 車路士演入球騷

猪拉多纳

愛華頓今晚喺英超主場對住車路士，最受注目梗係盧卡古同伊度奧兩位箭頭齊齊倒戈出戰。「小魔獸」盧卡古過去被車仔領隊莫連奴當作透明人，至於「獵豹」伊度奧就畀寸王話佢老，今次佢兩個梗係想喺舊Boss面前入波示威證明自己，一於博開1.95倍入球大啦！

（now621台周日凌晨0:30直播）
伊度奧 盧卡古倒戈

盧卡古同伊度奧都踢過車仔，對於莫連奴嘅戰術肯定好清楚，倒戈入波絕對唔出奇，更何況，現時愛華頓唔需要靠晒佢哋數胡，前鋒賴史密夫連續兩場入球都幫到手，加上「藍戰士」射手迪亞高哥斯達傷勢唔算嚴重，預料可以上陣爭取連續3場入波，開入球大唔難喎！