巴塞三王射爆潛艇

猪拉多纳

蘇亞雷斯停賽加上佩奧爾退休，唔少球迷都戥巴塞隆拿擔心，但隨住佢哋喺首輪西甲大炒艾爾切3蛋之後，相信憂慮已經一掃而空。「球王」美斯腳風勁順，「新人王」蒙尼亞艾哈達迪又彈起，加埋「人氣王」尼馬都話傷愈可以候命，「三王聯手」，今晚要砌低維拉利爾可以話係易過借火。

（now632台周一凌晨1:00直播）
維拉利爾主帥鬥巴塞例衰

作客嘅巴塞今仗有馬斯真蘭奴停賽，但「地上最強」火力咁猛，以攻代守一樣夠照。將會借助今仗為癌病兒童機構ASPANION展開45萬歐元籌款活動嘅維拉利爾，主帥馬些連奴近8次對住巴塞錄2和6負勁失19球，今鋪睇怕下場都一樣慘淡，捧2.25倍「讓客」。
（日）46 維拉利爾 Vs 巴塞隆拿