熊本掛住籌旗無力「薩」敵

猪拉多纳

日乙球隊真係愈嚟愈騎呢，今日作客熊本羅亞素嘅札幌岡薩多，兩日前突然宣布解僱監督財前惠一，新請嘅波黑教頭巴巴歷又要過幾日至到任，呢場波要「無人駕駛」，好在熊本呢期忙於籌錢續命，心不在焉，平手盤不妨照博札幌。
岡薩多小野伸二孭飛

因為近期戰績低落，季中請咗小野伸二返嚟都無起色，札幌惟有攞財前嚟祭旗。查實呢班波真係好黑仔，小野根本有舊患，已經不復當年勇，傷兵又排住隊咁嚟，後衞小山內貴哉、中場深井一希都係有排抖嘅大鑊嘢，巴西仔連倫亦跛跛哋，成條中場線非傷即殘，唯一喜訊只係後衞日高拓磨傷愈復出，就算巴巴歷突然提前上任，恐怕都幫唔到隊波幾多。

不過，熊本欠落成6,100萬日圓債務，搞唔掂下季就連參賽資格都冇埋，所以近排周圍求縣政府同市政府以至地方企業泵水，雖然市政府早兩日應承咗注資300萬日圓，但暫時仲未籌足目標嘅7,000萬日圓，主勝率得3成6嘅熊本，家陣只係掛住籌旗，未必有咁好閒情逸致打落水狗，札幌坐和望贏。
（日）11 熊本羅亞素 VS 札幌岡薩多