戴宗開竅食住上

不死鸟

今日為今個馬季煞科最後一戰，表面上練馬師冠軍名譽之戰，方嘉柏同大摩仲有得爭，但睇過今次沙田11場賽事方摩兩??參戰馬比對，仍然係方嘉柏馬房?實力馬佔優，現時方嘉柏以兩場頭馬佔先，估計大摩幾難追到，今季練馬師冠軍寶座，應會係方嘉柏取得。之前蔡約翰原本有得追，可惜上周日賽事欠幸運之神眷顧，只勝出一匹「歡樂繽紛」，其餘4匹跑第二，可謂時也運也，而此四駒所負對手非方嘉柏馬房?參戰馬，而係其他馬房?馬將牠殺追，方嘉柏連運都贏埋，再加上他悉心部署反擊成功，若奪得今季練馬師冠軍寶座殊榮，實至名歸。睇回今次11場賽事，有兩匹心水馬對其贏馬甚具信心推介給馬友參考。
第七場二班1200米。呢場14匹參賽馬在此程?戰績，以大摩馬房?「紀利威龍」最標青，翻查賽績此駒在此程上陣11次，取得4冠4季，另三仗落敗得一次第四、一次第五及一次第七，11戰此程10仗有獎金收，顯見此程是其強項，既然此程戰績彪炳傲視同群，值得再追捧。
「紀利威龍」季內8戰取得2冠1亞3季1殿1第五，八戰全有獎金收，顯見呢匹4歲馬，今季踏入大熟大勇演出準繩，此匹係（紀利華木球會團體馬），素來支持大摩甚力，練者為報答支持，當盡力替此駒爭取佳績，剛戰贏馬走勢出色足證有勇態支持，勝後加6分沿留二班作戰惡氣仍在，今次轉用梁家俊減7磅上陣，比上仗還輕六磅，大摩識計數用牌仔有減磅�魯担�勇態十足馬再爭強項1200米，再下一城無難度。
第十場三班1600米。「戴宗」上仗在四班?住133磅以贏來如拾芥，而且更締1.34.70佳速，比同日三班同程贏馬?「競駿精英」快5線，可見其厲害，以呢場作指標足證牠居三班絕不蝕底。復課所見勇態撩人，今次升上三班再爭勝途，無疑對手比上仗四班賽強，但以此駒實力亦強毋懼對手，對其連捷信心十足。