華倫板斧多「愛」得過

猪拉多纳

華倫西亞星級鋒線撲擊愛斯賓奴！華倫西亞上季季中由阿馬利出任領隊後大改革，將有名氣但已過氣嘅球員送走，前線重用20歲出頭嘅柏高艾卡沙同皮亞堤，再加埋最近從曼城借用嘅尼格度，火力非常強勁，今晚喺強大主場迎戰愛斯賓奴，2.5倍「讓球主勝」信得過！

（now632台及TVB13台周日晚11:00直播）

暫時排西甲第2位嘅華倫西亞，開鑼戰作客同級嘅西維爾打少個之下逼和對手，上輪返到主場更大炒馬拉加3球，柏高艾卡沙、皮亞堤同柏利祖都有波入，一班攻擊球員近況唔錯，21歲新星柏高艾卡沙啱啱仲喺西班牙國家隊處子亮相，信心肯定爆晒棚啦。
前鋒狀態弗到爆 華倫借用前鋒尼格度

唔好忘記，華倫西亞喺轉會窗最後關頭成功借用尼格度，呢位西班牙國腳射術精湛，今晚重返西甲後首度披甲，肯定會搏晒命表現身價，唔知今晚會唔會既刻有「士哥」呢？咁多正面因素，士氣想唔好都幾難啦！

另一邊廂嘅愛斯賓奴，開鑼戰落後一球兼打少個作客逼和艾美尼亞，不過上輪返到主場就無以為繼，以1:2輸畀西維爾。從頭兩輪比賽所見，佢哋狀態唔算好，部分球員演出有啲吃力，今晚作客進攻板斧多兼出名主場有料到嘅華倫，想全身而退有難度，「讓球主勝」可以放心捧。