徐君禮辜負「有心人」

不死鸟

騎師徐君禮（上圖）原本大好前途，但他不自愛，竟然玩「索Ｋ」，事緣上季5月13日谷草夜賽，被馬會抽到需要驗尿?騎師，點知出來結果有違禁藥物，馬會翌日立即公布，暫停他即時禁止出賽及晨課操練，但徐君禮知悉後，仍不悔改，竟然死撐要求將尿液��去德國體育大學藥檢中心檢驗，化驗結果同馬會之前化驗一樣，尿液含有氯胺酮（俗稱Ｋ仔）。
睇番徐君禮自被馬會驗出尿液有違禁藥後到研訊日，不見到有悔意，最明顯係兩份報告都證明他尿液有氯胺酮違禁藥，但在審訊時仍多次堅稱自己無辜，既然你話自己無辜，點解會響你?尿液檢出有?呢？莫非你認為馬會屈你，但點解你事後又唔上訴呢？證據確鑿仍死撐，馬會只罰你停賽半年算你好彩，但假如你仍然執迷不悟、不悔改，大好前途毀於一旦，與人無尤。
徐君禮初出道被練馬師霍利時收歸旗下做見習生，而他突然之間轉為做告東尼見習生，過程中可謂曲折離奇，事緣他當霍利時見習生時，途中表明要求解約轉去告東尼馬房，而當時霍利時不肯，事情不了了之下，但突然峰迴路轉，徐君禮竟然有一次不到晨課操練，亦不返馬房做事，視霍利時冇到，他夠膽咁做，當然有位份量十足?「有心人」撐腰，而霍利時其後亦不再勉強，公開話他既然離心堅決，留到其人不留到其心，提早解約放棄他。如今他「索Ｋ」自毀形象，可謂辜負「有心人」?栽培。