墨爾本勝利勝利！

猪拉多纳

西悉尼流浪者人腳不整

澳職今午正式開鑼，打頭陣嘅賽事係墨爾本勝利主場對西悉尼流浪者。勝利今季加入唔少新球員，一眾新兵實力唔錯，而球隊將沿用過去嘅進取踢法，主場出擊自然會強攻對手。西悉尼流浪者因要踢亞冠盃而提早開操，球員雖已上力但主力射手杜米祖歷因傷缺陣，加上澳洲國腳杜普史丹利要踢國際賽而缺陣，今仗未必能抵擋對手嘅進攻，阿謙睇好勝利可以旗開得勝，主隊小讓平半捧上盤。

（有線64及203台周五下午4時40分直播）

勝利上季成功躋身季後賽4強，雖然最終未能奪冠，但總算證明其進攻踢法可以取得好成績。勝利今夏有前鋒杜羅奧斯、中場湯洛積及後衞阿達馬查奧爾離隊，其中杜羅奧斯係隊中首席射手，上季喺常規賽更攻入12球。
卡斯迪倫西悉未融合

不過，勝利其後向布里斯班獅吼購入曾經係澳職神射手嘅貝利沙，加上由賀芬咸加盟嘅後衞迪比亞及由特魯瓦來投嘅翼鋒賓卡法拿同樣甚具質素，配合艾奇湯臣等主力球員，今仗就算有中場米利根要踢國際賽而缺陣仍有力取勝。

西悉尼流浪者今夏雖有中場小野伸二、阿倫穆爾、普蘭斯及後衞比奧甘離隊，但仍可以喺亞冠盃殺入決賽，交出好成績，可見球隊實力已到達另一層次。不過，西悉尼流浪者今仗有主力射手杜米祖歷因傷未能上陣，而杜普史丹利要踢國際賽而缺陣，縱然新加盟球員如前華域克翼鋒卡斯迪倫質素甚高，未必咁快就能與一眾隊友製造出默契，今仗作客相信難以抵擋火力強勁嘅勝利，阿謙睇好勝利可藉主場之利獲勝，小讓平半捧上盤。