鬥心匈到羅馬尼亞

猪拉多纳

2016年歐國盃決賽周擴軍至24隊，外圍賽出線機會大為提升，球隊爭勝急切性冇咁高，鬥心難免會下降，捧受讓一方比較着數。F組羅馬尼亞主場對匈牙利，兩支東歐球隊級數接近，羅馬尼亞首輪全取3分，匈牙利則輸波，今仗必力爭開齋，論戰意客軍較可信。羅馬尼亞讓唔起對手半一，建議揀下盤。

（有線64及203台周日凌晨零時直播）

羅馬尼亞上輪雖然擊敗希臘，但付出好大代價，該仗入波功臣馬利卡被逐，今場停賽，另一著名射手梅度冇入選，鋒線實力麻麻。事實上，羅馬尼亞近年出產嘅優秀球員，多數係守將，例如熱刺後衞基利捷斯、修咸頓後衞科連加度斯，前鋒人才凋零，冇本錢踢主攻足球，讓波好蝕底。

匈牙利上輪領先下，臨尾反輸畀北愛爾蘭，明顯係衰大意，吸取教訓後，今場肯定打醒十二分精神。匈牙利以國內球隊維迪奧頓球員為班底，配合幾位喺德國搵食嘅球員，默契合作純熟，足以抵擋羅馬尼亞來犯。
蘇格蘭讓唔起格魯吉亞

D組蘇格蘭主場對格魯吉亞，蘇格蘭雖然多位球員喺英格蘭聯賽搵食，但大部分効力弱隊，或低組別球隊，質素麻麻，今仗讓一球太過火，揀格魯吉亞下盤。

（有線61及201台周日凌晨零時直播）
肥叔心水

匈牙利下盤

格魯吉亞下盤

丹麥上盤

希臘平手盤

北愛爾蘭上盤