陽明德得新季好世界

不死鸟

蔡約翰貴為多屆冠軍，練馬功力無需懷疑，上季雖然不敵方嘉柏同埋大摩屈居季軍，但佢其實已交出本身水準，共取61場頭馬，如果6月28號賽事?「贏得快」、「賞惑」、「紅衣司令」及「賞蝦王」唔係全部屈居亞軍，敢信未必會輸畀方嘉柏，所以筆者覺得新季蔡約翰仍有極大機會重奪冠軍寶座。
另翻查阿蔡上季贏馬最多的路程係田草1200及1400米，呢兩項路程合共交出30W，差唔多佔去總頭馬數字的一半，可見旗下馬跑大場短途特別得心應手，尤其係一些插班不明物體，好似「賞惑」及「歡樂繽紛」，兩駒就是一出即贏呢兩項路程 。
此外，阿蔡倉內仍有頗多銀行馬，例如「陽明德得」（圖）咁，煞科日後備補出，眼見馬身仲係好肥，仍然可以輕鬆跑入第二名，只係輸畀突然神勇的「成功網絡」，可見「陽明德得」質素極高，敢信來季可扶搖直上，值得長期吼實。