精彩生輝值90分

不死鸟

之前講過有些馬表現係好好，但突然間走樣，只要事後知道因由，日後就可以知道點樣取捨，今日所講係蔡約翰馬房的「精彩生輝」（下圖），此駒之前在谷草連贏兩仗短途均有餘未盡，識馬之士已知牠係有質素佳駟，而蔡約翰於煞科日安排牠轉戰田草1200米，亦因之前谷草兩戰贏馬表現出色，該役臨場熱到得1.7倍，無疑係熱得過份，但反映馬迷及幕後對此駒寄望甚高，但呢仗跑第十一而回，大熱倒灶一敗塗地確令捧場客十分失望。
賽後檢討「精彩生輝」呢役敗因，睇過賽後報告，此駒沿途無受擠碰意外，而賽後接受獸醫檢驗，亦無發現任何明顯異常之處，由此可知呢仗落敗，並非健康有問題及轉場地有關。
筆者認為可能該日天氣炎熱，令牠情緒受影響突然厭戰不奇。點解筆者有此見解，原因此駒之前兩戰上陣係在谷草夜賽，晚間氣溫無咁悶熱，令牠競賽意欲強勁，再觀看過牠呢兩仗贏馬都係後上取勝，贏來姿態從容不迫，而牠可以首戰贏1200米，而相隔3周縮程跑1000米，依然贏來姿態從容，3歲仔有如此出色表現，如非有超強實力不可為。煞科日轉戰田草落敗，唔可以太早肯定牠是否不適應。現時評70分甚為�魯担�筆者認為此駒起碼值90分，前景看俏佳駟，季初如見出戰谷草短途，值得優先捧場。