大家開心潛質高

不死鸟

李易達馬房前季贏40場，總出馬次數多達565匹馬，上季達少成績稍稍退步取得35場勝仗，但係佢只派467匹馬上陣，總出賽次數少成百次，成績相對無咁好啦，由此可見，佢部署變了貴精不貴多。
而翻查達少上季各項路程成績，發現谷草1000同埋田草1400米最威水，各自贏了7場頭馬，1400米舉行次數多，贏得多唔出奇，但係谷草最短途並唔係跑得特別多的路程，佢能贏咁多場自有他的辦法，而最為人津津樂道的當然係由佢訓練的谷草短途王「孫子奇兵」。
環顧依家此倉內子彈非常充裕，要贏30場頭馬並非難事，當中旗下前景最好的要數「大家開心」，呢匹3歲新馬剛季一出即贏4班1200米，其後上到3班兩戰亦得1季，只輸畀超班馬「飛快勇」，反映「大家開心」質素甚高，睇腳法甚有「家家寶」的影子，敢信來季「大家開心」贏兩三場應無問題。