好笑容天生勝利者

不死鸟

Click上澳紐馬網，輸入外地馬名或者母系個名，唔難知道馬匹來港前試閘跑第幾，仲有片睇埋，對評估新馬前景有一定參考價值。K360「好笑容」響原產地新西蘭一戰即勝，贏左轉1200米，齋睇紙上賽績唔覺有乜特別，但上網再查番，原來先前試650、800和950米3個閘全部第一，片段所見，包括埋First Run?場，都係貼欄由頭放到尾，有速度感之餘鬥心亦強，因為每次有馬拍上來，總能力挽狂瀾，係天生?勝利者。
父系Zorro's Lad個名係就係陌生?，話晒都係種王「丹山」後裔，但服役生涯相當短，上陣3次贏過1200米，另於一場1400米表列賽入位，2002年起在澳紐配種，首批子嗣中一匹馬女10捷於1600至2500米，包括二、三級賽，此外再無上駟出現。其母贏過1850及2200米，產下3胎出賽，僅得「好笑容」獲勝，綜觀血緣普通，但來港前上陣加試閘全勝，鬥心搭夠唔敢睇少，來季可留意進度。