愛華頓訪狼堡 大駁火

猪拉多纳

英超雙雄分途出擊

英超嘅愛華頓同熱刺今晚再戰歐霸，先有「拖肥糖」喺H組作客德甲「阿二」禾夫斯堡，雙方近況都不俗，「狼堡」更係火力全開，近8仗場場都至少入兩球，兩軍今場為爭出線應會搶攻求勝，入球大值得捧場。

（有線61及201台周五凌晨2時直播）

愛華頓今場有貴客專程飛去德國支持佢哋，佢就係英國ABA重量級拳王東尼貝柳，呢位死忠「愛粉」賽前接受訪問話勁期待睇愛隊喺歐霸出戰，希望佢哋踢番場好波，愛華頓聽到要識做啦﹗咁啱得咁蹺，「拖肥糖」前鋒盧卡古正係東尼貝柳粉絲，「新魔獸」今場喺偶像面前更加要騷吓Quali！

「拖肥糖」依家喺H組以8分排喺榜首，禾夫斯堡緊隨其後，有7分，意味住今場邊隊贏波，邊隊就可以穩奪出線權。「狼堡」上輪作客愛華頓遭大炒1比4，今場返到主場肯定想報仇，佢哋近排狀態托弗，近9場贏足8場，前鋒奧歷、賓特拿、中場比列錫、奇雲迪布尼等都頻頻士哥，有力攻入對手不穩嘅防線，大盤唔怕追﹗
熱刺-1主場殺「迪」

至於另一支英超隊熱刺就會接住喺C組主場迎戰柏迪遜，呢支塞爾維亞球隊4戰僅得1分，已經出線無望，今場無謂阻住地球轉，熱刺贏埋就可以晉級32強，一於熱捧讓球主勝﹗（有線61及201台周五凌晨4時05分直播）