走位評述要紮實平穩

不死鸟

筆者在暑假期間睇過不少歐洲、澳洲及新加坡賽事，也聽過不少沿途評述員講走位，總覺得比香港及澳門好得多。筆者近期最深刻印象兩場賽事，其一就是七月盃當「快馬精神」左片右片時，見評述員不是好激動地去評述，反而是順�舢敃r形勢去評述，從來未有聽到一些憤慨激昂的語氣。另一場就是月初的蘭秀錦標，該役在滂沱大雨下進行，而且在最後600米時，曾經試過只得一個白色煙雨迷濛的鏡頭，但評述員依然好淡定來評述，結果能夠順利完成賽事。
筆者日前看過一篇同行文章，表示對於港澳兩地評述員相當欣賞，並且欣賞他們有氣氛，而且仲講番隻馬是不是熱門，對於這個觀點筆者不太認同。筆者聽過歐洲及澳洲大多賽事評述員，絕對唔會在賽事中途說邊隻馬是熱門，更加不會說邊匹馬正守緊靚位，說差點，如果轉換身份我是騎師，現時正處於困境時，你卻說是在最有利位置，真係唔知好嬲定好笑。當然有人批評評述員講錯綵衣、睇錯綵衣，但試問香港馬匹綵衣顏色及款式很多也接近，講錯有乜咁出奇，反而在直路上聽得清楚邊匹馬領先，邊匹馬後上，才是評述員最重要的責任。譁眾取寵講到力竭聲嘶，最終都唔知你講乜之時，那有甚麼用呢？