星火燎原前途光明

不死鸟

提起前馬王「爪皇凌雨」，此匹良駒過往取得的輝煌成就深得馬迷讚賞，包括筆者在內，而隨�簟缸�皇凌雨」及「爪皇泓金」退役後，馬主周氏家族目前只得「星火燎原」一駒在港服役，此駒日後能否媲美「爪皇凌雨」未知數，但實力高強則可以肯定，睇回牠上季3捷有餘未盡可印證。
「星火燎原」係馬主周永健同練馬師霍利時一齊在南非周歲馬拍賣會挑選的，來港後評52分編入4班起步，而練者以慢火煎魚手法將其狀態提升，到操練足夠時才安排上陣，因為之前打好基礎，再加上質素高強，初次上陣出戰田草1000米，由冼毅力操刀，以10倍半冷輕鬆勝出，之後因冼毅力停賽，轉用韋達接手後再取得兩冠佳績，而呢兩仗贏來亦係有餘未盡，顯見馬匹加分後仍有上升空間。
呢匹雄馬其後未有再進，主因未閹關係令其情緒不穩定，晨課常見牠大發脾氣及口勁重，練者霍利時為免牠躁火盛影響作戰情緒，與馬主商量後，於7月初將牠閹割，而練者認為牠閹割後對牠日後成熟必有所幫助。再睇此駒腳法不似短途材，上季3捷短途1000米，純係恃質凌人。目前評75分居3班未止境，而牠經過閹割後情緒轉穩定，再加上來季轉4歲成熟必會更進一步，前途一片光明佳駟，今季增程跑1400至1600米必可取得兩至三場頭馬。