黎海榮騎功夠全面

不死鸟

黎海榮（下圖）出道多年，做見習生時唔覺佢有乜特別，但自07年度贏夠70場頭馬轉做大師傅後，越騎就越有信心，好似上季咁，黎海榮就贏?29場頭馬，只落後畀另一華籍好手鄭雨滇3場頭馬，但考慮到黎海榮出賽次數少一截，勝出率只低過佢不足0.3%，換言之，黎海榮表現仲好過滇仔。
翻查剛季黎海榮各項路程的表現，發現佢相當全面，短至1000米，長至大長途2400米都贏過，可見佢控制步速好出色，而贏馬最多的係谷草1650及田草1200各佔6場，總括而言，佢真係長短皆宜。另回顧剛季黎海榮的策騎紀錄，發現佢以姚本輝及何良合作次數較多，更幫輝哥贏?11場溫拿，由此可見佢十分支持黎海榮。
而要數上季黎海榮的代表作，當然係「好先生」贏三級賽皇太后紀念盃?場，呢場大長途賽鞍上人掌握步速得好好，最後呢匹易位難贏之馬，終於初嘗勝果，黎海榮真係居功至偉。