車仔 喜鵲射手大鬥法

猪拉多纳

（六）15 紐卡素 Vs 車路士

迪亞高哥斯達身為藍戰士首席射手，睇見隊波冇咗自己之後入波反而仲多過之前，條氣又點會順先？今仗復出梗係要爭氣數多2粒證明自己啦！車路士上仗就喺「迪哥」缺陣下大炒熱刺3:0，計落藍戰士對上1次喺聯賽攻入3球已經係9月底嘅事。今晚呢位西班牙前鋒刑滿復出作客紐卡素，肯定要做番齣好戲，加上佢仲要同曼城射手阿古路爭英超金靴獎，今場唔士哥點得吖！

（now621周六晚8:45直播）

另邊廂紐卡素對上2次主場鍊車合共攻入藍戰士5球，盡顯拆車威力，更何況射手柏比斯施斯上仗打破入球荒信心大增，今晚仲有中場穆沙施素高復出支援，夠料威脅有防中尼曼查馬迪停賽嘅車路士大門，1.85倍入球大抵玩。