神雄金剛外地全勝

不死鸟

自從成功引入「紙醉金迷」之後，葉楚航多了留意西澳馬圈行情，而且近一兩季亦有再出手，從此地引入「再來風」，以及本文主角K375「神雄金剛」；話晒「紙醉金迷」和「再來風」響西澳贏過表列賽，前駒更於二、三級賽得亞軍，受人注目一啲都唔奇，相比下「神雄金剛」未見過大場面，哪有甚麼賣點？這馬在當地跑兩場讓磅賽，先於1200米旗開得勝，繼而於1400米締1分22秒23不俗時間再下一城，以不敗之身來港評74分，起碼本身實力未見底，剛轉4歲倘續有進步，前景尚算樂觀。
 

父系贏三級賽

血緣方面，父系Verglas為愛爾蘭馬，曾3捷1200至一哩，包括英國皇家雅士谷Coventry Stakes三級賽，2000年起在法國當種馬，至今出過兩匹一級賽冠軍子嗣，2003年亦開始南下澳洲配種，暫時最叻一駒響西澳勝出三級賽，子嗣性能以短途至一哩為主，上季來港伍廐之「威力高」也出自此系，不過牠乃愛爾蘭馬，兩歲時曾於三級賽上名。其母為新西蘭馬，服役時只曾上名，產下6胎僅得一駒獲勝，正是「神雄金剛」，最特別父母都係灰馬，雖然與「紙醉金迷」同屬灰色，來源地亦係西澳，要攀上有後駒嘅成就，可能只是一廂情願的想法，但葉楚航似乎有信心牠成材，才會向忠實擁躉、「金剛」系馬主許晉奎引薦來港，不妨拭目以待。