猛將走晒 高普識飛都冇符

猪拉多纳

其實一支球隊能否取得佳績，主帥與球員係息息相關，有啲老闆招攬咗好多球星，但請來廢廢哋嘅教頭，好似上季曼聯找來莫耶斯掌舵即刻冇符，因為隊波就算有幾好嘅球員，都要有個有料領隊先可打出成績。

多蒙特教練高普激情四射，戰術運用及臨場調動均屬一流，但「蜜蜂兵團」年年賣主力，馬里奧葛斯、羅拔利雲度夫斯基被同國宿敵拜仁擸晒，剩番馬高列奧斯、米希達利恩等一兩個主將撐住，單天難保至尊，同以往多名重心輪流發威，令對方防不勝防完全唔同。其他球隊嘅主帥亦好醒，識得用人海戰術或聯防打法迎敵，使多蒙特僅有具分量嘅球星更容易遭凍結，加上每個球員總會遇上低潮，高普再有天大本領，亦巧婦難為無米炊。
吼維拉蘭斯主W過關

至於今晚賽事，包括喺英超阿士東維拉主場對李斯特城，以及法甲蘭斯主場對甘岡，Peter建議整番條主勝2串1，以維拉射落蘭斯乘埋有4.6倍，分頭都唔錯呀！
金句：有球員無將帥：唔掂！無球員有名帥：亦冇符！