捧賴維銘本小利大

不死鸟

騎師方面，韋達雖然係贏馬最多騎師，不過佢?馬經常都偏熱，而且出賽次數多，根本唔值得追，以上季為例，他騎598場馬，本錢係5,980元，最熱的頭馬係「陽明好好」只有1.4倍，而最冷的「自動加速」亦只有14倍，長追佢剩輸1,760元，所以話贏馬多未必追得過。
至於剛季用呢個買法贏錢最多的係賴維銘（圖），呢位本地華將只跑387場馬，本錢3,870元，埋單計數剩贏963元，而最熱的頭馬係「新薪」，最冷係86倍「哈哈妙」，雖然賴仔贏馬唔多只有26場，但佢贏親的馬都唔會太熱，可以話本少利大，來季仍追得過。
相反，另一位華籍好手鄭雨滇上季就輸得最多，首先他的出賽次數達532場，僅次於韋達，二來又沒有爆過大冷門，最好分的只是19倍「心中有勁」，所以埋單計數剩輸2,813.5元，捧佢場真係喊得一句句。