阿德恰慣光輝受讓抵捧

猪拉多纳

上個月阿德萊德聯同珀斯光輝响足總盃決賽鬥到飛沙劈石，「阿德」結果先勝一仗捧走首屆錦標。雖然光輝今季嘅表現係好出色，不過對賽就經常性畀「阿德」食住，今戰「阿德」又受讓平半，就算作客都要捧場，撐1.9倍下盤！

（有線64及203周一下午5:30直播）
近5次對賽3勝2和

光輝自從兩大中場靴斯同尼高斯受傷長抖後，表現呈現下滑，依家呢一刻更加係呢班波嘅最大難關，事關今場波係佢哋72小時內第2場激戰，上星期五先作客墨爾本勝利踢榜首大戰，今日又要對住剋星「阿德」，話班球員體能冇影響，你信唔信先？

阿德萊德聯近2季對住珀斯光輝未輸過，5次對賽錄得3勝2和，上月足總盃決賽贏1:0捧盃一仗，大家更加係記憶猶新，波未踢球員已經喺心理上先贏一仗，最重要係「阿德」今季6場作客聯賽贏足4場，實力超勁，以佢哋客場嘅出色表現，要保不敗開出下盤，又有咩難度先？
頂占筍盤：阿德萊德聯（下盤）