車仔新箭要磨吼細盤

猪拉多纳

(六)14 阿士東維拉 Vs 車路士

英超榜首車路士今晚作客阿士東維拉，車路士今場續缺射手迪亞高哥斯達及中場靈魂法比加斯，就算新兵古達度可以候命，未必可以即時融入球隊，進攻難免打折扣。阿士東維拉於冬季轉會窗未能買入新前鋒，預計亦會繼續大踢守勢足球，今場宜選細。

（now 621周六晚11時直播）

車路士於冬季轉會窗關閉前由費倫天拿羅致哥倫比亞翼鋒古達度，雖然已取工作證，但初來甫到應該唔會打正選。西班牙前鋒迪亞高哥斯達繼續停賽，中場助攻王法比加斯亦因傷未能趕及復出，考慮到下周中有英超快車，車路士要喺主場迎戰實力更強嘅愛華頓，今場未必會去得太盡。
維拉買唔到前鋒焗守

維拉於冬季轉會窗先後羅致曼城中場史葛冼佳亞及華倫西亞中場卡利斯基爾，不過領隊林拔承認最失望係未能購入新前鋒。維拉已經連續六場聯賽冇入波，睇番佢哋主場輸畀利物浦、曼城都係輸○比二，面對曼聯更加曾經爆冷逼和對手，如果一心死守，有機會將失球數字減到最低。