松風贏馬有本錢

不死鸟

第一口孖Ｔ，第三場由第4班馬跑1200米，出馬12匹（草地）。「綠茵勁贏」上季在徐雨石馬房，四度上陣取一冠，由52分減至48分，結果可以順利反彈，而且該役在同程初嘗試除頭套，立即可以與今次在3班角逐的「心中有勁」單打獨鬥，僅勝四分三馬位，但能夠交出1分09秒48的快時間，對於一匹四歲馬來說，絕對是收貨，今季操足再上征途，體力不成問題，跑番贏馬的強項路程，用番最合拍勞愛德上陣，當收駕輕就熟之效，當打份子一向好開繼續好，加埋有一檔幫手，應是馬膽之選。
「陽明德得」亦非善男信女，上季尾煞科戰列為第一後備，原因正選馬「不老傳奇」賽前右前腳懸韌帶疼痛退出，牠臨時拉伕上陣，跑來稚嫩僅敗給「成功網絡」得亞軍，而且時間慢前駒四線，今季更趨成熟，計實力在此乃爭勝之材。
「駕寶」新勝猶勇，黎海榮鍥而不捨，路合是奇兵之一。「大旋風」是搵食馬，得馬偉昌捨「雄獅寶貝」而就之；「成功年代」操好用蔡明紹，都可作配腳。
第四場由第5班馬跑1400米，出馬14匹（草地）。「松風」四歲馬如日方中，上次開鑼日志在熱身亦有好走勢，最後試跑勇得驚人，再用湯智傑兼除掉眼罩上陣，能順利放出，是T馬膽之選。
「百威紀錄」上季尾在同程有擊敗「神機妙算」的往績支持，當打進步，有潘頓幫手乃前駒心腹之患。「開心財星」乃路程專家，後上衝一段每有意想不到收穫，路合要拖住。「連冠精英」試準待命；「穩操勝算」改裝備兼出王牌，都可爭三甲。