廣州ＲＦ心雄大盤武甩拖

猪拉多纳

亞冠盃F組，另一支中超球隊廣州富力（馬會譯廣州RF）主場泰國豪門武里南聯，富力今年請來羅馬尼亞名宿高士曼干查執教，表現非常對辦，繼外圍賽作客淘汰澳職球隊中岸水手後，上場分組賽贏埋日職代表大阪飛腳，今仗返回自己地頭比賽，勢必更心雄主攻。武里南聯近年投入巨額資金增兵，相信唔會示弱，強強對決，捧入球大。

（now 670周二晚7時30分直播）

新一季中超將於周末開鑼，高士曼干查表示，將來雙線作戰會令球隊疲於奔命，最好盡快喺亞冠盃奠定出線優勢，如果今仗可以擊敗同樣有3分在手嘅武里南聯，形勢將會大好。因此球隊上下當今仗係生死戰對待，一定要贏。事實上，富力鋒線人腳佳，上輪入波嘅摩洛哥前鋒哈默德近期更獲歐洲球隊垂青，經過同會方商討後，佢已表明會留隊全力搏殺，擺明有人工加啦，更加要落力證明身價。
武里南聯質優有力駁火

武里南聯由泰國政治強人尼溫支持下，近年引入唔少高質素外援，上輪對南韓球隊FC城南，開波18分鐘已經領先兩球，好有霸氣。今季加盟嘅巴西前鋒馬辛拿又入波，贏2比1。球隊所失1球，都係自己擺烏龍，可見武里南聯踢法好「進取」，今仗去到廣州，唔怕同對手駁火。