熱刺劏鵝出氣

猪拉多纳

剛失落英聯盃冠軍嘅熱刺，今晚喺主場迎戰「天鵝」史雲斯，成班球員滿腔怒火自然要搵地方發洩，撞正「天鵝」今仗有兩個主力缺陣，嚟到白鹿徑球場相信都係等劏，加上近年對賽都係熱刺佔上風，阿謙睇好佢哋可以極速反彈，主W屬不二之選！

（now 100周四凌晨3時45分直播）

熱刺啱啱喺周一凌晨嘅英聯盃決賽不敵車路士成班球員自然非常失望，其實佢哋輸波好大程度同中場發電機基斯甸艾歷臣被凍結有關，主帥普捷天奴今仗應該會諗到方法去解決。熱刺球員踢完英聯盃決賽後冇添傷兵，球隊可以精銳盡出下，肯定會搵史雲斯做「出氣袋」。
史雲斯訪白鹿徑6連敗

史雲斯近期連贏般尼同曼聯表現唔錯，可惜有後衞基爾巴特利因傷要抖4個月，中場基菲爾施古臣亦因傷上陣成疑，今仗陣容不整加上近年對賽皆畀熱刺食住，最近6次造訪白鹿徑球場竟然全部輸晒，相信「天鵝」今仗都係凶多吉少，阿謙睇好熱刺可以重開勝門，捧主W！