風雲勇子澳洲贏G3

不死鸟

雖則話做馬主非富則貴，但養馬始終是投資，動輒幾百甚至成千萬購入高檔次自購馬，唔係個個似方?「喜寶」、薛?「風雲」系馬主一樣肯冒咁大風險，本周日後者有新貨「風雲勇子」出場（第九場），來龍去脈不妨一知；此馬來自澳洲維省，兩歲出道於滿利谷兩戰1000米分獲冠亞，上年3歲踏進青雲路，先勝出1100米表列賽，相隔一仗再贏考菲爾德堅尼預賽（三級賽），路程為新嘗試的1400米，接�綮�1600米正本戲（一級賽）只跑第十一，證明長力有限，餘下4戰縮番落1100、1200米，3場表列賽獲2季1殿，另一場為一級賽18駒競逐跑尾四，計Formline頂多是澳洲二線短途馬，在彼邦贏得近150萬港元獎金，我係馬主都願意沽售，如今由「風雲」系馬主黃坤接盤，現時評94分，能否再上便要視乎進步有幾多。
同場另一新自購馬「齊喝采」亦有來頭，兩歲響英國贏二級賽，連同開齋一役均為1400米，但轉彎遠不及跑直路，相隔一年無正式上陣，初出跑轉彎1200米難有作為。