雙紅會撐「魔」 巴皇戰要「塞」

猪拉多纳

今晚嘅兩場賽事可謂神奇、刺激、頂級，還好Peter昨日完成其他意甲同法甲嘅評述，今晚可以安坐家中欣賞呢兩場大戰。「頭場」有英超「雙紅會」──利物浦主場硬撼曼聯，為爭前四嘅歐聯席位，加埋積落數十載嘅牙齒印，所有數據、理論或金句，都難以形容呢場宿敵之戰。由於兩軍近況都弗，更加刺激起今仗嘅重要性，不過激戰還激戰，曼聯上周擊敗熱刺贏得極具說服力，紅軍依家撞正佢哋實在唔係時候，未必贏到重上正軌嘅紅魔，仲要讓平半唔多值博。
17比9 高下立見

至於周一凌晨4點上演嘅西班牙國家打吡──巴塞主場火併皇馬，踏入2015年，氣勢如虹嘅巴塞贏咗17場，皇馬只贏得9場，雙方狀態高下立見，今仗巴塞仲坐鎮魯營球場迎戰，單計以美斯、尼馬、蘇亞雷斯為首嘅「MSN」弗爆鋒線，無堅不摧，近況轉沉嘅「銀河艦隊」好難全身而退，信不信由你喇。
金句：唔需要金句的兩國神奇、頂級打吡